Reminiscece Of Air Force Life

Tuesday, March 18, 2014

നമ്മുടെ സംസാരശേഷിയും എഴുത്ത് ശേഷിയും നഷ്ടപ്പെടുന്നു !

                  കഴിഞ്ഞ അവധിക്കു പോയപ്പോള്‍ കണ്ട ഒരു കാഴ്ചയാണ് ഇതിന് ആധാരം -
                     ഒരു ദിവസം വൈകുന്നേരം നാല് മണിയോടെ ഞാന്‍ മുളംതുരുത്തി കവലയില്‍ ഒരു ടാക്സിയില്‍ എത്തുന്നു - പോകുന്ന വീട്ടില്‍ കുട്ടികള്‍ ഉള്ളത് കാരണം, അവര്‍ക്കെന്തെങ്കിലും മേടിക്കാം എന്ന് വിചാരിച്ച് ഒരു ബേക്കറിയില്‍ കയറുന്നു - സാധനങ്ങള്‍ മേടിക്കവേ - ഒരേ നിറത്തിലുള്ള പത്തുപന്ത്രണ്ടു ബസ്സുകള്‍ ആ കവല കടന്നു പോകുന്നു!
        അസാധാരണമായ ഒരു കാഴ്ച ആയതു കൊണ്ട് അതെന്‍റെ കൌതുകം ഉണര്‍ത്തി -
         ബസ്സിന്‍റെ ബോഡിയില്‍ എഴുതിയിരിക്കുന്നതില്‍ നിന്ന് അത്‌ സമീപ പ്രദേശത്തെ ഒരു എന്ജിനിയറിങ്ങു കൊളേജിലെ ബസ്സുകള്‍ ആണ് എന്ന് മനസ്സിലായി -
            പെട്ടെന്ന് ഞാന്‍ ചെറുപ്പകാലത്ത്‌ കണ്ടിരുന്ന 'കോളേജ് ബസ്സിലെ', അല്ലെങ്കില്‍ 'സ്റ്റുഡെന്‍സ് ഒണ്ലി' ബസ്സുകളുടെ കാര്യങ്ങള്‍ ഓര്‍ത്തു -
                   "എന്തായിരുന്നു അതിലെ ഒരവസ്ഥ "
                              'ഒച്ചവെക്കല്‍, പാട്ട്, ബഹളം'
                   ക്ലാസുകഴിഞ്ഞു വെളിയില്‍ സ്വതന്ത്രമാകുന്ന കുട്ടികളുടെ ആഹ്ലാദത്തിമര്‍പ്പ്!
                                ഇവിടെ ഞാന്‍ കണ്ടതോ, 'ശ്മശാന മൂകതയോടെ പോകുന്ന പത്തുപന്ത്രണ്ടു ബസ്സുകള്‍!
                "ഇതെന്തേ ഇങ്ങനെ എന്ന് ശ്രദ്ധിച്ചപ്പോള്‍ കാര്യം മനസ്സിലായി -
         തൊണ്ണൂറു ശതമാനം പിള്ളേരുടെ ചെവിയില്‍ 'ഇയര്‍ ഫോണ്‍' ആണ് -
  പിന്നെ കുറേ പേര്‍ 'വെറ്റിലയില്‍ ചുണ്ണാമ്പ് തേക്കുന്ന' പ്രക്രിയയില്‍ ആണ് -
                    മേല്‍ പറഞ്ഞ സൌകര്യങ്ങള്‍ ഇല്ലാത്തവര്‍, വിദൂരത്തേക്ക്  കണ്ണും നട്ട്, എനിക്ക് ഇതൊക്കെ എന്നാണോ സാധ്യമാകുന്നത് എന്ന ചിന്തയിലും!
         ഇനി ഈ ചുണ്ണാമ്പ് തേക്കുന്നവരുടെ കാര്യം എടുത്താലോ -
               അതും പണ്ട് നമ്മള്‍ 'കമ്പി അടിക്കുമ്പോള്‍',  'ടെലിഗ്രാം അടിക്കുമ്പോള്‍',
 എത്രയും ഹൃസ്വമായി ആശയ വിനിമയം നടത്തുന്ന ഒരു രീതി ഉണ്ടായിരുന്നു -                'വാക്കുകള്‍ക്കു അനുസരിച്ചായിരിന്നു പോസ്റ്റല്‍ ചാര്‍ജ് -'
    ഇപ്പോള്‍ 'വാട്ട്സാപ്പിലും' , ഇ-മെയിലുലം അതൊന്നും ഇല്ല -
          എന്നാലും എളുപ്പത്തിന് ചെയ്യുന്നതെന്താ -
              "thanx 4 ur gft. i lv u - c u 2moro "
        എളുപ്പം ഇങ്ങനെ എഴുതുന്നതാണ് - പക്ഷെ ഈ രീതി ഒരു ശീലമായാലോ?
      കൊച്ചന്‍റെ' ഇംഗ്ലീഷ് പുരോഗതിയില്‍' അപ്പനും വണ്ടര്‍ അടിച്ചു നില്‍ക്കുകയാണ്!
           അപ്പന്‍ ചോദിച്ചപ്പോള്‍ കൊച്ചന്‍ പറഞ്ഞു -
       "ഡാഡ് , ഭാഷ ആശയ വിനിമയത്തുനുള്ളതാണ്- നമ്മള്‍ പറയുന്നത് കേള്‍ക്കുന്നവന് മനസ്സിലാകുന്നുണ്ടോ, അതല്ലേ പ്രധാനം"-
                 അഛനും വിവരം വെക്കാന്‍ തുടങ്ങി -
    പക്ഷെ ചെക്കന്‍ എഴുതുന്ന പബ്ലിക്ക്പരീക്ഷകളില്‍ എല്ലാം, ഇംഗ്ലീഷില്‍ മാത്രം, എഴുതാനും സംസാരിക്കാനും മിഴിവുണ്ടായിരുന്നില്ല, എന്ന കാരണത്തില്‍ പ്രശ്നം ഉണ്ടായി!
        അതും നല്ല മാര്‍ക്കോടെ പഠിത്തം കഴിഞ്ഞവര്‍ക്കും!
          പഠിപ്പ് സമയം കഴിഞ്ഞും, തമ്മില്‍ വേണ്ടത് പോലെ, ഇടപെഴകാതെ വളരുന്ന യൌവ്വനം! 'വളയം ഇല്ലാതെ ചാടാന്‍ ആദ്യം പഠിച്ചിട്ട്, വളയത്തിന്റെ പോരായ്മയെ കുറിച്ച് വിമര്‍ശിക്കുന്ന പ്രവണത!
                അതുകൊണ്ടാണ് ഞാന്‍ എഴുതിയത് 'നമ്മുടെ സംസാര ശേഷി നഷ്ടപ്പെടുന്നു'! എന്ന് -
-------------------------------------------------------------------------------------------------------